Franca dhe Spanja shtrëngojnë sërish masat kundër koronës

Për shkak të përhapjes së shpejtë të variantit delta, disa vende evropiane kanë shtrënguar sërish masat e tyre për koronën. Franca dhe Spanja janë dy prej tyre

Francë: Krahas Italisë dhe disa shteteve tjera evropiane që janë caqet kryesore për turistët zviceranë dhe të tjerë, edhe Franca po lufton kundër valës së re të kurorës dhe ka vendosur të forcojë rregullat në këtë drejtim.

Që nga e mërkura, në momentin kur bëhen bashkë më shumë se 50 persona për të vizituar kinematë, teatrot ose muzetë nevojitet një test negativ i koronës, dëshmia e vaksinimit ose e shërimit, shkruan srf.ch.

Nga kjo preken edhe ngjarje ose vendndodhje të tjera si panaire tregtare ose objekte të caktuara sportive.

Nga fillimi i gushtit, testi negativ do të kërkohet gjithashtu për trenat e linjave të gjata, baret, restorantet, qendrat tregtare dhe spitalet.

Spanjë: Për të frenuar pandeminë, Spanja ka rifutur ndalimin e qarkullimit natën nga 1 deri në 6 të mëngjesit në Katalonjë, Valencia dhe Cantabria.

Në këto zona, puna nga shtëpia është është bërë edhe njëherë herë e detyrueshme, së bashku me kufizime të tjera, transmeton albinfo.ch. Ndejat me shumë pjesëmarrës gjithashtu duhet të shmangen.

Infeksionet e reja të koronës janë rritur ndjeshëm në Ishujt Balearik, të cilat përfshijnë vendpushimet e njohura si Mallorca, Menorca, Ibiza dhe Formentera. Për të parandaluar ahengjet, veçanërisht ato të të rinjve, në ambient të hapur, plazhet dhe parqet duhet të mbyllen nga 22 në 6.

Në të ardhmen, restorantet gjithashtu do të duhet të mbyllen një orë më herët, në 1, në vend të orës 2 të pas mesnatës. Grupet me katër persona do të lejohen edhe më tutje të ulen në një tryezë në hapësirat e brendshme të restoranteve dhe me tetë, në ambiente të jashtme.

---