Shoferi i autobusit të aksidentuar me mërgimtarët kosovarë dërgohet në burg

Policia kroate ka dhënë disa informacione të reja në lidhje me aksidentin e rëndë të autobusit, që ndodhi të dielën afër Sllavonski Brodit, ku humbën jetën 10 persona.

Referuar mediave kroate, policia e atjeshme ka bërë të ditur se shoferi i autobusit është dërguar në vuajtje të paraburgimit.

“Dje (27 korrik), gjyqtari hetues fillimisht mori në pyetje 52-vjeçarin dhe më pas atij iu caktua masa e paraburgimit prej një muaji. Në të njëjtën ditë, i pandehuri u dorëzua në burgun në Pozhega”, njofton Policia.

Dje pesë pasagjerë të autobusit që u aksidentua të dielën në Kroaci, e ku humbën jetën 10 udhëtarë, sot pasdite janë sjell në ambientet e Gjykatës së Qarkut në Sllavonski Brod për t’u marrë në pyetje.

Ndërsa, avokati mbrojtës i shoferit të autobusit të aksidentuar të dielën në Kroaci, ku humbën jetën 10 bashkatdhetarë, që po udhëtonin nga Gjermania për në Kosovë, dje ka mohuar zërat se klientin e tij e kishte zënë gjumi në momentin e aksidentit, derisa ai ishte pranë timonit.