Sërish protesta masive në Francë, kundër “pasaportës shëndetësore”

Sipas një raporti nga kanali i lajmeve BFMTV, midis 10,000 dhe 20,000 njerëz dolën në rrugë në Nice dhe qytetet tjera

Në Francë, dhjetëra mijëra dolën përsëri në rrugë sot për të demonstruar kundër “Pass Sanitaire”, siç quhet pasaporta shëndetësore, për të cilën ka votuar parlamenti javë më parë.

Tubime ka pasur të shtunën në kryeqytetin Paris, por edhe në shumë qytete të tjera. Sipas një raporti nga kanali i lajmeve BFMTV, midis 10,000 dhe 20,000 njerëz dolën në rrugë në Nice dhe qytetet tjera mesdhetare të vendit.

Ndërsa, sipas informacioneve zyrtare, në fundjavën e kaluar kishte më shumë se 200,000 pjesëmarrës në mbarë vendin.

Të enjten, Këshilli Kushtetues Francez ka miratuar kërkesën e diskutueshme të vaksinimit për personelin e kujdesit shëndetësor dhe të ashtuquajturën pasaportë shëndetësore, transmeton albinfo.ch. Pasaporta në fjalë jep informacion në lidhje me testin negativ ose vaksinimin e kryer.

---