Shteti që e bëri ‘GreenPass’-in obligativ në të gjitha fushat e jetës

Green Pass hyri sot në fuqi në Izrael për pothuajse të gjitha fushat e jetës publike për shkak të rritjes masive të numrit të infeksioneve me koronavirus

Të gjithë mbi moshën tre vjeç duhet të dëshmojnë se janë të vaksinuar, janë shëruar ose kanë dalë negativë për koronavirusin nëse duan të shkojnë në ngjarje sportive ose kulturore, palestra, muze, restorante, universitete dhe konferenca, transmeton Dpa, përcjell Albinfo.ch.

Fëmijët deri në moshën 12 vjeç mund të testohen pa pagesë. Çdokush mbi moshën 12 vjeç duhet të paguajë vetë për testet.

Me masat, qeveria izraelite po përpiqet të parandalojë një bllokim të mundshëm gjatë festave hebraike në shtator.

Të martën në mbrëmje, Ministria izraelite e Shëndetësisë raportoi 8 726 infeksione të reja me koronavirus për një ditë më parë, shifra më e lartë në më shumë se gjysmë viti.

Megjithatë, më shumë se 58 për qind e afërsisht 9,4 milionë banorëve të Izraelit janë plotësisht të vaksinuar.

 

---