“Swiss” kërkon nga ekuipazhi të marrë vaksinën

I gjithë personeli i Swiss International Air Lines është udhëzuar nga kompania që të vaksinohet kundër Covid-19 nga 15 nëntori, shkruan swissinfo.ch, përcjell albinfo.ch.

Linja ajrore thotë se do të bëhet e pamundur të vazhdojë operacionet e saj të fluturimit në gjithë botën pa këtë masë të detyrueshme vaksinimi.

Hong-Kongu, për shembull, tashmë po kërkon prova të vaksinimit të ekuipazheve të fluturimit nga disa destinacione.

“Disa destinacione dhe rajone nuk mund të shërbenin më, dhe kjo nga ana tjetër do të zvogëlonte seriozisht efektivitetin e SWISS”, tha kompania në një deklaratë të martën.

Linja ajrore gjithashtu beson se kjo është mënyra më e mirë për të siguruar shëndetin dhe sigurinë e pilotëve të saj dhe ekuipazhit tjetër të kabinës, përcjell tutje albinfo.ch.