Lajme

Rrëmbimi i kafshëve shtëpiake në Britani të Madhe, vepër penale

E diel, 5 Shtator 2021 - 23:15 albinfo.ch

Rrëmbimi i kafshëve shtëpiake do të shpallet krim në Britani të Madhe pas raportimit për rritje të vjedhjeve gjatë mbylljes së shkaktuar nga pandemia e koronavirusit.

Vjedhja e kafshëve shtëpiake aktualisht trajtohet si humbje e pronës së pronarit, por ministrat duan që ligji i ri të njohë stresin emocional që mund të shkaktojë.

Është zbuluar se vitin e kaluar gjatë mbylljes u raportua vjedhja e rreth 2.000 qenve. Grupi i punës, i përbërë nga zyrtarë qeveritarë, policë, prokurorë dhe autoritete vendore, mori dëshmi nga grupet e mbrojtjes së kafshëve, aktivistët e fushatës, akademikë dhe ekspertë të tjerë.