Italia e bën obligative certifikatën e vaksinimit edhe në shkolla

Deri më 31 dhjetor 2021 përfundimi i gjendjes së jashtëzakonshme për të mbrojtur shëndetin publik, kushdo që hyn në të gjitha strukturat e institucioneve arsimore, edukuese dhe trajnuese duhet të zotërojë dhe të paraqesë pasaportën e gjelbër COVID-19, sipas një projektdekreti të miratuar sot në Këshillin e Ministrave.

“Detyrimi për të paraqitur pasaportën e gjelbër vlen për këdo që hyn në një shkollë, por nuk ka të bëjë me ata që përjashtohen nga vaksinimi”, lexohet në projektdekret, transmeton Ansa, përcjell Albinfo.ch.

Kjo vlen edhe për universitetet.

Kontrollet janë përgjegjësi e administratorëve të shkollave dhe, në rastin e personelit jashtëshkollor, edhe për punëdhënësit e tyre përkatës.

Personeli që punon në shkolla, universitete, që do të gjenden pas kontrolleve pa pasaportën e gjelbër do të dënohet me gjoba që variojnë nga 400 në 1 000 euro, parashikon projektdekreti i miratuar.