BE-ja ndan 14.2 miliardë euro për vendet e Ballkanit

Kosova, në mesin e vendeve që përfitojnë

Mësohet se sot Parlamenti Evropian ka miratuar Rregulloren për Themelimin e IPA-s III, nga e cila janë ndarë 14.2 miliardë euro për të ndihmuar vendet në zbatimin e reformave të lidhura me BE-në.

Sipas PE-së, fondi do të përdoret për të mbështetur shtatë vende në rrugën e tyre drejt anëtarësimit në BE në miratimin e reformave të kërkuara për të qenë në përputhje me rregullat dhe vlerat e BE -së.

Vendet përfituese të këtij grandi janë Shqipëria, Kosova, Bosnjë e Hercegovina, Mali i Zi, Maqedonia e Veriut, Serbia dhe Turqia.

“Objektivi i përgjithshëm i IPA III është të mbështesë këto vende në miratimin dhe zbatimin e reformave politike, institucionale, juridike, administrative, sociale dhe ekonomike të kërkuara për të qenë në përputhje me vlerat e BE-së dhe për t’u përshtatur në mënyrë progresive me rregullat, standardet dhe politikat e sajë (acquis ‘)”, thotë PE.

Tutje thekson se ky fond mund të ndryshohet ose pezullohet nëse shtetet e përmendura më lart nuk i përmbahen respektimit të vlerave ‘themelore’ – demokracia, të drejtat e njeriut dhe sundimi i ligjit.

---