Pas lajmit për tërheqjen e maskave të prodhuara në Kosovë: Cilat janë modelet e prekura dhe cilat jo

Ndërkohë BFU (Zyra Federale për Mbrojtje nga aksidentet)  sqaron se cilat maska konkretisht duhet të kthehen e cilat jo

Për shkak se nuk siguron mbrojtje të mjaftueshme, importuesi zviceran Yoobopo po tërheq maskën mbrojtëse të markës “myfixmask” N95 / FFP2.

Kjo maskë paraqet rrezik për shëndetin. Produkti do të shkëmbehet pa pagesë, raporton srf.ch. Për ta bërë këtë, klientët duhet të kontaktojnë kompaninë importuese, transmeton albinfo.ch.

Maska në fjalë është etiketuar si “N95 Disposable Respirator/ Protective Mask”, kanë njoftuar të enjten kompania e importit dhe qendra e këshillimit për parandalimin e aksidenteve.

Efekti i filtrimit i këtyre maskave nuk është i mjaftueshëm. Prodhuesi i maskës është kompania Elis SHPK në Kosovë. Maskat deri tani janë ofruar në internet. Produkti nuk duhet të përdoret pasi ekziston rreziku i “dëmtimit të pakthyeshëm të shëndetit”, shkruajnë në vërejtjen e tyre, importuesit.

Maskat e prekura janë ofruar në faqen e internetit www.myfixmask.ch.

Ndërkohë BFU (Zyra Federale për Mbrojtje nga aksidentet)  sqaron se thirrja për kthim të maskave vlen për  maskat me etiketën “N95 Disposable Respirator/ Protective Mask” por nuk vlen për maskat ​​dhe paketimet e tyre ku është e shkruar “Model 002”, “Model 003” ose më të lartë.

Më poshtë, linku i BFU, ku mund të lexohet përmbajtja e plotë

https://www.konsum.admin.ch/bfk/de/home/produktesicherheit/produkterueckrufe/…

---