Kina shpall të pavlefshme të gjitha kriptovalutat

Kriptovalutat kanë pësuar rënie të vlerave, pasi Banka Popullore e Kinës e shpalli tregun e kriptovalutave të paligjshëm

Banka Qendrore e Kinës tha se të gjitha format e transaksioneve të kriptomonedhës duhet të ndaloheshin.

Sipas mediave ndërkombëtare, vendimi goditi kriptovalutat dhe uli çmimet në të gjitha tregjet.

Bitcoin, vlera më e madhe kripto në botë, ra deri në 5 për qind, duke pakësuar fitimet në treg me mbi 42 mijë dollarë, me një rënie prej 2.6 për qind.

Ethereum, kriptoja e dytë më e madhe, ra 6.3 për qind, në 2,888 dollarë.

Cardano ishte 2.4 për qind më e ulët – 2.15 dollarë, Solana u zhyt 6.9 për qind apo 134 dollarë dhe Litecoin humbi 5.9 për qind apo 149 dollarë. Tregu i gjerë ra rreth 4 për qind, sipas të dhënave nga CoinMarketCap.com.

Aksionet me ekspozim të konsiderueshëm ndaj kriptomonedhës pësuan. Coinbase, shkëmbimi i kriptovalutave amerikane, u zhyt 3.6 për qind në paratregun në Nju-Jork, dhe minatori i kriptove Argo Blockchain u godit me 10 për qind në Londër.

Pekini ka kundërshtuar prej kohësh kriptovalutat. Ai i sheh monedhat dixhitale si një rrjedhje të burimeve të energjisë dhe një magnet potencial për pastrimin e parave dhe aktivitete të tjera të paligjshme.

 

---