BAG raporton 1284 infeksione të reja dhe 11 vdekje nga Covid-19

Aktualisht janë 200 pacientë me Covid-19 në kujdes intensiv që është 18 për qind më pak në krahasim me javën e kaluar

Të martën janë raportuar në BAG 1284 infeksione të reja me koronavirus, që kanë ndodhur brenda 24 orëve. Në të njëjtën kohë, janë regjistruan 11 vdekje të reja dhe 122 shtrime në spital, shkruan tagesanzeiger.ch. Mesatarja 7-ditore është 5 të vdekur. Kjo është 8 për qind më pak se në javën e kaluar.

Në dy javët e fundit, për çdo 100,000 banorë janë raportuar 233,71 infeksione të konfirmuara laboratorike të koronavirusit, transmeton albinfo.ch. Numri i riprodhimit R, i cili tregon numrin mesatar të njerëzve të infektuar nga një person i infektuar, ishte 0.75 më 17 shtator.

Shfrytëzimi i njësive të kujdesit intensiv në spitale është aktualisht 75.9 për qind. 23.4 për qind e shtretërve në dispozicion janë të zënë nga pacientët me Covid 19.

587 persona aktualisht janë duke u trajtuar në spitale për Covid-19. Kjo është 18 për qind më pak se javën e kaluar.

Aktualisht janë 200 pacientë me Covid-19 në kujdes intensiv që është 18 për qind më pak në krahasim me javën e kaluar.

---