Anulohet përsëri panairi “Motor Show” në Gjenevë

Fillimisht e planifikuar për 19-27 shkurt 2022, Panairi ndërkombëtar i automobilave në Gjenevë nuk do të mbahet, shkruajnë mediat zvicerane, përcjell albinfo.ch.

Kjo ngjarje e madhe e industrisë dhe një nga panairet më të mëdha vjetore në Gjenevë, u anulua më 2020 dhe më 2021 për shkak të pandemisë.

Anulimi i mundshëm i vitit të ardhshëm i atribuohet “situatës së vështirë me të cilën sektori i automobilave po përballet aktualisht”, sipas drejtorit të tij, Sandro Mesquita.

Në mënyrë të veçantë, ai përmendi problemet që përfshijnë shpërndarjen e përbërësve elektronikë, ngadalësimin e prodhimit të automjeteve. “Bëhet e vështirë të prezantosh modele të reja, ndërsa disponueshmëria e tyre nuk mund të sigurohet”, tha Mesquita.