Fenomen i ri: Për tre muaj, 237 kërcënime ndaj politikanëve në Zvicër

Kërcënimet ndaj politikanëve, një fenomen i ri që po bëhet i përhapur në Zvicër

Kohëve të fundit, raportohen shumë kërcënime drejtuar politikanëve zviceranë. Të shumta media kanë raportuar se në muajin e kaluar dhe tani në tetor është një rritje e kërcënimeve në llogaritë e politikanëve dhe në artikujt që shkruhen për ta në media, përcjell albinfo.ch.

Ky fenomen i ri po bëhet më i përhapur në Zvicër që nga fillimi i pandemisë Covid: kërcënimet dhe fyerjet në mediat sociale kundër anëtarëve të Këshillit Federal si dhe deputetëve janë në rritje.

Në vitin 2019 kishte vetëm pesë raste të tilla të raportuara, 20 në 2020-ën, dhe 237 në periudhën tremujore midis janarit dhe prillit të këtij viti. Ndërkohë që muajt e fundit ka një rritje edhe më të theksuar.

Florian Näf, zëdhënës i Policisë Federale (Fedpol), tha se kërcënimet jo vetëm që janë rritur në numër, por “toni i tyre është bërë gjithashtu më agresiv”.

 

---