Edhe një çmim ndërkombëtar për filmin ‘Zgjoi’

Drama jetësore e grave të Krushës gjatë luftës në Kosovë, e rikthyer në formë artistike përmes filmit “Zgjoi”, ka arritur edhe një sukses ndërkombëtar, raporton Albinfo.ch.

Ky film është shpërblyer në Festivalin e Filmi në Varshavë, duke fituar çmimin kryesor të garës ndërkombëtare si filmi më i mirë në kategorinë “ 1-2 Competition”, që u ndahet regjisorëve për filmin e tyre të parë apo të dytë të metrazhit të gjatë.

Ky është një lajm i mrekullueshëm për filmin debutues të metrazhit të gjatë të regjisores Blerta Basholli.

“Çdo çmim është një konfirmim i punës së mirë që ka bërë i gjithë ekipi. Eksperienca dhe mikpritja në Festivalin e Filmit në Varshavë ishte e mrekullueshme dhe jemi të lumtur për vlerësimin që na është bërë. Rrëfimi për gratë krushiane duhet të shihet nga të gjithë. Ne kemi akoma rrugë për të bërë dhe festivale të tjera që na presin”, ka thënë Basholli.