“Cold Heart”, e Dua Lipës, renditet e para në Britaninë e Madhe

Duket se Dua Lipa po vazhdon të shijojë sukseset e këngës së saj të fundit ‘Cold Heart’, në bashkëpunim me legjendën e muzikës, Elton John.

Në rangun e këngëve të saj, kënga e dyshes së njohur është renditur e para në Britani të Madhe, duke lënë pas emra të njohur të muzikës botërore, si Ed Sheeran, Nicki Minaj dhe Jesy Nelson.

E lumtur për këtë, Dua ka bërë një postim në Instagram, në të cilin u shpreh se është një udhëtim magjik ky që po përjeton.

“Numër 1 në Britani – Cold Heart me Elton John. Të ndaj këtë moment me heroin tim muzikor dhe mikun e dashur, do të thotë gjithçka për mua! Çfarë dite dhe udhëtimi magjik ka qenë ky. Faleminderit dhe ju dua”, ka shkruar Dua në postim.