Reaksionet negative nga vaksina anti Covid janë të rralla në Zvicër

11 milionë doza të vaksinave janë administruara në Zvicër

Efektet anësore serioze nga vaksina kundër Covid vazhdojnë të jenë të rralla, sipas të dhënave të reja të publikuara nga organi rregullator i barnave Swissmedic, transmeton albinfo.ch.

Nga 11 milionë doza të administruara në Zvicër që nga fillimi i fushatës së vaksinimit në janar, janë raportuar 8,757 reaksione negative; 2,978, u klasifikuan si të rënda.

Pothuajse 69 për qind e efekteve anësore ishin të lidhura me vaksinën Moderna, gjë që nuk është befasuese, tha Swissmedic, pasi ajo është vaksina më e përdorur në Zvicër.

“Raportet e reagimeve të padëshiruara të marra dhe të analizuara deri më tani nuk e ndryshojnë analizën pozitive të rrezikut të përfitimit të vaksinave Covid-19 të përdorura në Zvicër”, tha Swissmedic.

---