Nga 8 nëntori, SHBA do të lejojë hyrjen e të huajve që janë vaksinuar plotësisht

Ky lehtësim që nis nga 8 nëntori, vjen pas më shumë se një viti e gjysmë të ndalimit të gjerë të hyrjes për të huajt

Siç ishte paralajmëruar, nga data 8 nëntor, të huajt mund të rihyjnë në SHBA nëse janë plotësisht të vaksinuar kundër koronavirusit me preparate të njohura ndërkombëtarisht.

Vaksinat që kanë marrë miratimin ose miratimin urgjent nga FDA e SHBA ose Organizata Botërore e Shëndetësisë (OBSH) do të pranohen, kanë thënë autoritetet përgjegjëse në Uashington, të hënën, shkruan srf.ch

Kjo aktualisht vlen për preparatet nga Biontech / Pfizer, Astrazeneca, Moderna, Johnson & Johnson, Sinopharm dhe Sinovac, transmeton albinfo.ch. Udhëtarët që duan të shkojnë në SHBA duhet të dëshmojnë statusin e tyre të vaksinimit në kompaninë ajrore përkatëse përpara se të hipin në një aeroplan për në SHBA, thuhet në njoftim.

Vaksinimi i plotë kundër koronavirusit është parakusht për hyrje. Por kjo nuk vlen për fëmijët apo personat që vaksinimin nuk e kanë bërë për arsye shëndetësore. Përveç kësaj, për hyrje kërkohet edhe testi negativ.

Ky lehtësim vjen pas më shumë se një viti e gjysmë të ndalimit të gjerë të hyrjes për të huajt.

---