Ndryshimet klimatike rrezikojnë brezat e ardhshëm, kërkohet reagim urgjent

Foto Ilustrim

Njerëzimit i ka mbaruar koha për të kthyer valën e ndryshimeve klimatike që kërcënojnë planetin, duhet bërë sa më shpejt sa nuk do jetë vonë për fëmijët tanë, ishte mesazhi i kryeministrit britanik, Boris Johnson, drejtuar liderëve botërorë gjatë samitit COP26 në Glasgou, raporton Dpa, përcjell Albinfo.ch.

“Ne duhet të kalojmë nga fjalët në veprime reale për qymyrin, makinat, paratë (për të investuar në tranzicion) dhe gjelbërimin”, këmbëngul Johnson.

“Nuk është më koha për shpresa, qëllime apo aspirata, por për angazhime dhe afate konkrete drejt ndryshimit”, shtoi ai.

Britania e Madhe kryeson me shembullin konkret të akordimit të 12,6 miliardë sterlina gjatë pesë vjetëve të ardhshme (afërsisht 15 miliardë euro ose tre miliardë në vit) për të ndihmuar kalimin drejt një ekonomie të qëndrueshme globale.