Kosova përfaqësohet me 20 kompani në Forumin Ekonomik të Vjenës

Në Odën Ekonomike Federale të Austrisë WKÖ në Vjenë po mbahet forumi ekonomik, në të cilën po marrin pjesë edhe kompani nga Kosova.

Krahas 20 kompanive të IT-së nga Kosova, po marrin pjesë mbi 30 kompani austriake, të cilat do të mund të shikojnë mundësinë për thellim të bashkëpunimit.

Në këtë forum po marrin pjesë edhe ministrja kosovare e Ekonomisë, Rozeta Hajdari dhe zv.ministri  i Ekonomisë, Mentor Arifaj.

“Gjatë vizitës zyrtare në Vjenë të Austrisë do të takohem edhe me ministren Federale për Çështjet Dixhitale dhe Ekonomike të Austrisë, znj. Schramböck, për të diskutuar rritjen e bashkëpunimit të ndërsjellë ekonomik. Qëllimi i vizitës është forcimi i bashkëpunimit me Austrinë në sektorin e Teknologjisë së Informacionit dhe Komunikimit, ku do të kemi takime me biznese të ndryshme austriake”, ka shkruar Arifaj  në rrjete sociale.

 

---