Cilat vitamina duhet t’i konsumoni në stinën e vjeshtës

Assortment of high vitamin B sources on dark background: milk, liver, olive oil, tomatoes, prawns, peanuts, beef, spinach, salmon, keshew, cheese, haricot. Top view.

Ndryshimi i stinëve nxjerr në pah nevojën e madhe për ta vënë organizmin në binarë dhe për të forcuar sistemet tona të mbrojtjes.

Mënyra më e mirë për të përshtatur me ndryshimet, siç janë temperatura, rikthimi në shkollë e në punë, lodhja e të tjera, këto janë jo vetëm nëpërmjet ushqimeve, por edhe suplementeve të vitaminave.

Organizmi ka nevojë për shumë ushqyes, vitamina e minerale që të përshtatet me ndryshimet e stinës dhe angazhimet ditore.

Trupi i njeriut prodhon vetë vitaminën D kur është i ekspozuar në diell për një afat të caktuar kohor. Megjithatë, ndryshimi i stinëve shoqërohet edhe me ekspozim ndjeshëm të kufizuar të trupit në rrezet e diellit. Organizmi ka nevojë për 1000 deri në 2000 njësi të vitaminës D çdo ditë që nga fillimi i vjeshtës deri në pranverë. Ajo është e rekomandueshme për njerëzit që qëndrojnë në ambiente të mbyllura. Përveç suplementeve, vitaminën D e gjeni edhe tek salmoni, skumbria, e verdha e vezës dhe sardelet.

Trupi i njeriut nuk është në gjendje të prodhojë vetë vitaminën C. Për rrjedhojë, është shumë e rëndësishme që të siguroheni që po merrni mjaftueshëm vitaminë C. Ajo e mbron organizmin nga viruset dhe bakteret dhe përgatit linjën e parë të mbrojtjes ndaj ftohjes dhe gripit. Ajo i pengon këto probleme, por kur njeriu sëmuret, vitamina C nuk arrin dot të përshpejtojë shërimin. Përveç suplementeve, vitaminën C e gjeni te majdanozi, specat, kivi dhe brokoli, etj.

Temperatura e jashtme luan një rol të fortë te humori. Magnezi është i domosdoshëm, sepse pengon dëshpërimin e vjeshtës, një çrregullim që prek dikë më shumë e dikë më pak. Ky mineral thelbësor luan një rol të rëndësishëm në 300 reagime metabolike në organizëm. Ai është i nevojshëm për mirëqenien dhe shëndetin në shumë nivele, ndaj sigurohuni që ta merrni si suplement rregullisht.