Dua Lipa kërkon nga BE-ja liberalizimin e vizave për Kosovën

Dua Lipa, këngëtarja kosovare me famë botërore, në prani të presidentes së Komisionit Evropian, Ursula von der Leyen, ka kërkuar liberalizimin e vizave për kosovarët, transmeton albinfo.ch.

Pasi pranoi çmim nga Këshilli i Atlantikut, Lipa tha se meqë Kosova ka mbushur të gjitha kriteret, atëherë liberalizimi i vizave mund të ndodhë tani.

“Të rinjtë luftojnë për të gjetur punë dhe mundësitë e tyre pengohen nga kufizimet që e bëjnë të vështirë udhëtimin për punë ose kënaqësi. Pasi kemi përmbushur të gjitha kriteret, Komisioni Evropian në fakt ka rekomanduar liberalizimin e vizave për Kosovën për më shumë se tre vjet. Pra, a mendoni se ne mund ta arrijmë atë tani?”

“Kosova është edhe shteti më i ri në Evropë, në një mënyrë tjetër. Jemi vetëm 13 vjet të shkurtra në rrugëtimin tonë të pavarësisë. Dhe, si pjesë e një komuniteti të fortë ndërkombëtar, ne do të lulëzojmë emocionalisht. Ne do të lulëzojmë ekonomikisht dhe kulturalisht. Është në gjenet tona. A nuk do të ishte e përshtatshme nëse Kosova mund të zinte vendin e saj brenda atij bashkimi paqësor, të lulëzonte ekonomikisht përkrah fqinjëve tanë dhe të shëronte lëndimin e konfliktit të fundit?”, tha ajo.