Kurti : Dua Lipa është diplomatja më e mirë e Kosovës

Pas deklaratës së Dua Lipës dhe çmimit që mori, ka reaguar edhe kryeministri i Republikës së Kosovës, Albin Kurti, ku përmes një postimi në Twiter u shpreh falënderues për këngëtaren me famë botërore, Dua Lipa.

E shoqëruar nga Presidentja e Republikës së Kosovës, Vjosa Osmani, e cila pati një fjalim të veçantë, Lipa u nderua dje me një çmim tjetër ndërkombëtar.

Ky çmim ka të bëjë me individët shembullorë që kanë kontribuar në misionin e këtij organi për të formësuar së bashku të ardhmen globale në një gamë të gjerë fushash.

Promovimin e Kosovës e bëri në një mënyrë dinjitoze, që u vlerësua edhe nga Kurti.

Ky i fundit shkroi në llogarinë zyrtare në “Twitter”, duke thënë se Dua Lipa nuk është vetëm këngëtarja më e famshme në botë, ajo është një aktiviste që frymëzon lëvizjet për ndryshim dhe është diplomatja më e mirë që Kosova mund të kishte kërkuar dhe shpresuar ndonjëherë.

“Urime për çmimin në Këshillin Atlantik. Ju jeni frymëzim dhe vendi juaj është krenar për ju”, shkroi ai.

Dua Lipa fjalimin e saj e nisi në gjuhën shqipe, duke treguar dashurinë për atdheun e saj. /Albinfo.ch

.@DUALIPA is not just world most celebrated singer, she is an activist that inspires movements for change, and she is the best diplomat that Kosova could ever asked & hoped for.
Congratulations on your @AtlanticCouncil award.
You are an inspiration & your country is proud of you. pic.twitter.com/QgxTJZppQD

— Albin Kurti (@albinkurti) November 11, 2021