Osmani demanton portalet: Koha e politikanëve që nxjerrin në treg tokën e Kosovës ka perënduar

Ajo ka paralajmëruar se do të ndërmarrë të gjitha masat për ngritjen e padisë kundër disa portaleve

Presidentja e Kosovës, Vjosa Osmani u ka reaguar disa mediave në Kosovë të cilat sipas saj kanë plaauar gënjeshtër përmes një lajmi se ajo ka premtuar toka për Manastirin e Deçanit në shkëmbim të ftesës për Samitin për Demokraci në SHBA.

“Lajmi i publikuar në pseudo-portalet se kinse unë kam premtuar toka për manastirin e Deçanit apo për këdo tjetër në shkëmbim të ftesës për Samitin për Demokraci në SHBA është gënjeshtër. Qysh nesër do të ndërmarrë të gjitha masat për ngritjen e padisë kundër këtyre portaleve dhe kujtdo tjetër që ka publikuar apo publikon një propagandë të tillë. Kosova ka merituar të ftohet sepse është demokraci. Miqtë tanë amerikanë nuk janë ata që ndonjëherë kanë kërkuar toka të Kosovës. Ndërkaq koha e atyre politikanëve që qesin në treg tokën e Kosovës ka perënduar njëherë e përgjithmonë”, shkruan Osmani në reagimin e saj, transmeton Albinfo.ch.

---