‘Amazon’ dhe ‘Apple’ gjobiten me 200 milionë euro

Autoriteti Italian i Konkurrencës ka gjobitur gjigantët amerikanë të teknologjisë Amazon dhe Apple me një total prej më shumë se 200 milionë eurosh për bashkëpunim të dyshuar kundër konkurrencës së drejtë në shitjen e produkteve Apple dhe Beats.

Sipas autoritetit mbikëqyrës, dispozitat kontraktuale të një marrëveshjeje të vitit 2018 midis kompanive nënkuptonin se vetëm shitësit e përzgjedhur lejoheshin të shisnin produktet e Apple dhe Beats në Amazon.it, duke shtuar se kjo ishte në kundërshtim me rregullat e Bashkimit Evropian dhe ndikonte në konkurrencën e çmimeve.

Si Apple, ashtu edhe Amazon thanë se planifikojnë të apelojnë vendimin.

Autoriteti vendosi një gjobë prej 68.7 milionë eurosh për Amazon dhe 134.5 milionë euro për Apple, duke urdhëruar kompanitë që t’u japin fund kufizimeve për t’u dhënë shitësve me pakicë të produkteve origjinale Apple dhe Beats akses në Amazon.it në një mënyrë jodiskriminuese.