Aksion i madh i Policisë së Kosovës: 30 të arrestuar nëpër komuna

Shkon në 30, numri i të arrestuarve në aksionin ‘Subvencionet 2021’

Krimet Ekonomike janë duke vazhduar aksionin “Subvencioni 2021”, në së paku katër komuna, ku sipas burimeve brenda Prokurorisë Speciale, numri i të arrestuarve tashmë ka shkuar në 30, përcjell albinfo.ch.

Të arrestuarit në Istog, Pejë, Lipjan e Ferizaj dyshohet se janë përfshirë në keqpërdorim të subvencioneve në bujqësi.

Katër të arrestuar V.K, A.R, J.S. dhe G.L, janë zyrtarë të Komunës së Istogut.

Brenda Prokurorisë kanë konfirmuar se V.K. është zyrtar me kontratë të rregullt, ndërsa tre të arrestuarit e tjerë në Komunën e Istogut janë me kontratë mbi vepër.

Kujtojmë se aksioni “Subvencione 2021” ka filluar muaj më parë në disa qytete të Kosovës, ku janë arrestuar dhjetëra zyrtarë e qytetarë, të cilët dyshohet se janë të përfshirë në keqpërdorim të subvencioneve në bujqësi.

Pjesa e dytë e aksionit “Subvencionet 2021” ishte zhilluar më 30 qershor 2021. Përderisa 10 persona ishin arrestuar në aksionin e Policisë së Kosovës në bashkëpunim me Prokurorinë Themelore të Prishtinës në mars të këtij viti. Të arrestuarit dyshoheshin se kishin kryer vepra të ndryshme penale, si marrje e dhënie ryshfeti e keqpërdorim të detyrës zyrtare.

---