Gjermani, kontrollime të rrepta për ata që punojnë në të zezën

(KEYSTONE/Alessandro della Valle)

Bëhet e ditur se policia gjermane ka bastisur disa kompani shkaku i punëtorëve të huaj ilegalë, që punojnë pa dokumente të rregullta të punës, transmeton Gazeta Metro.

Policia ka kontrolluar në 12 rajone të martën, si pjesë e një hetimi për punëtorët e angazhuar në mënyrë të paligjshme për t’u shfrytëzuar në industrinë e logjistikës.

Në qendër të hetimit është një bandë e dyshuar për themelimin dhe përdorimin e një rrjeti të kompanive në Gjermani dhe jashtë saj për të dërguar shtetas të vendeve jashtë BE-së në mënyrë të paligjshme si punëtorë të përkohshëm për kompani të mëdha të logjistikës, tha policia federale.

Arrestimet janë kryer në Berlin, Brandenburg, Bremen dhe Saksoni të Ulët.