Dy kadetë të FSK-së diplomojnë në Akademinë ushtarake të Gjermanisë

Në Berlin të Gjermanisë sot u mbajt ceremonia e diplomimit të dy kadetëve nga Kosova, të cilët përfunduan Akademinë Ushtarake në Gjermani, raporton Albinfo.ch.

Nëntoger Albert Krasniqi dhe nëntoger Valdrin Talla përfunduan me sukses këtë akademi duke shprehur mirënjohje për shtetin gjerman.

“Sot, në ambientin e Ambasadës së Republikës së Kosovës në Berlin u mbajt ceremonia e diplomimit të dy kadetëve, nëntoger Albert Krasniqi dhe nëntoger Valdrin Talla, të cilët përfunduan me sukses Akademinë Ushtarake në Gjermani në qendrat profesionale të Bundeswehr-it. Ambasadori i Republikës së Kosovës në Berlin, dr. Faruk Ajeti, bashkë me nënkolonelin Besim Gashi organizuan ceremoninë e diplomimit të dy kuadrove të rinj akademikë, të cilët do t’i shtohen korpusit të oficerëve profesionistë të Republikës së Kosovës. Mirënjohje të jashtëzakonshme Republikës Federale të Gjermanisë për përkrahjen e vazhdueshme”, thuhet në njoftimin e Ambasadës së Kosovës në Berlin.