Pacientët me Covid-19 kanë nevojë për kujdes intensiv dy herë më shumë

(KEYSTONE/Martial Trezzini)

Në një publikim të ri, Zyra Federale e Statistikave nënvizon efektet e pandemisë Covid në sistemin e kujdesit shëndetësor zviceran.

Raporti prej 12 faqesh dokumenton ndikimin që koronavirusi ka pasur në spitale, si dhe në shtëpitë e të moshuarve dhe pleqve, në vitin 2020.

Analiza zbuloi se pacientët me Covid kanë dy herë më shumë gjasa për të marrë kujdes intensiv sesa ata me kushte të tjera mjekësore (12 përqind kundrejt 5 përqind). Përveç kësaj, ata kanë nevojë për tre herë më shumë orë të kujdesit intensiv sesa ato pa Covid-19 (232 kundrejt 72 orësh), përcjell albinfo.ch.

Gjithashtu, 40 për qind e pacientëve me koronavirus në ICU-të zvicerane kërkonin intubim, krahasuar me 9 për qind të pacientëve të tjerë.

Për më tepër, njerëzit e shtruar në spital me një diagnozë Covid-19 vdiqën pesë herë më shpesh sesa ata pa koronavirus, zbuloi raporti.