Shqipëria mëson sot kundërshtarët në Ligën e Kombeve, mund të përballet sërish me Serbinë

Foto: FSHF

Duke filluar nga ora 18:00, në Nyon të Zvicrës, sot do të hidhet shorti i UEFA Natios League.

Shqipëria dhe Kosova do të mësojnë ditën e sotme edhe kundërshtarët e tyre në këtë kompeticion, drejt rrugës për Gjermani, për të shpresuar në një kualifikim të mundshëm të tyre në Europianin 2024.

Shqipëria merr pjesë për herë të parë në Ligën B, ndodhet në një vazo me Slloveninë, Malin e Zi dhe Armeninë.

Ndërkohë që në 3 vazot e tjera, duke nisur nga e para gjenden Suedia, sigurisht kundërshtari për t’u shmangur, Ukraina, Bosnjë e Hercegovina dhe Islanda. Në vazon e dytë rivalë do të jenë një mes Finlandës, Norvegjisë, Skocisë apo Rusisë, ndërsa në vazon e tretë emrat që kombëtarja e Shqipërisë mund të ketë përballë janë Izraeli, Rumania, Serbia dhe Irlanda.

Pra, Shqipëria mund të përballet përsëri me kombëtaren e Serbisë, ndaj së cilës në ndeshjen e parafundit kishte jo pak probleme.