‘Omicron’ infekton edhe personat e vaksinuar

Megjithatë, sipas të dhënave në SHBA, të vaksinuarit janë më të mbrojtur edhe kundër variantin omicron

Varianti omicron i COVID-19 përhapet më shpejt se delta dhe shkakton infeksione te personat që tashmë janë vaksinuar ose shëruar nga COVID-19, paralajmëroi drejtori i përgjithshëm i Organizatës Botërore të Shëndetësisë (OBSH), Tedros Adana Gebrejesus.

“Tani ka prova se varianti omicron po përhapet shumë më shpejt se ai delta,” tha Tedros në një konferencë shtypi në selinë e re të OBSH-së në Gjenevë, transmeton Euronews, përcjell Albinfo.ch.

Kreu i OBSH-së theksoi se ky variant mund të infektojë si ata që janë vaksinuar ashtu edhe ata që kanë pasur infeksion me coronavirus.

Megjithatë, sipas të dhënave në SHBA, të vaksinuarit janë më të mbrojtur edhe kundër variantin omicron.

Në SHBA të pavaksinuarit kanë rreth dy herë më shumë gjasa se të vaksinuarit për t’u infektuar me omicron, rreth 15 herë më shumë gjasa për t’u shtruar në spital dhe rreth 25 herë më shumë gjasa të jenë në kujdes intensiv spitalor, raportoi Nbcnewyork.

 

---