Shkrirja e shpejtë e akullnajave të Himalajeve mund të shkaktojë krizë për ujë

Akullnajat në Himalaje janë duke u shkrirë me një ritëm jashtëzakonisht të shpejtë dhe mund të kthehen në një kërcënim për furnizimin me ujë për milionë njerëz në Azi, paralajmëron një studim i fundit i botuar në “Scientific Reports”.

Studiuesit kanë zbuluar se akullnaja e Himalajeve po shkrihen 10 herë më shpejt krahasuar me periudhën para vitit 2000.

Kjo shkrirje e akullit mund të ketë ndikim në qindra miliona banorë që jetojnë përgjatë lumenjve kryesorë të Azisë.

Vargmalet e Himalajeve ruajnë sasinë e tretë më të madhe në botë të akullit pas Antarktidës dhe Arktikut, duke u quajtur edhe si “poli i tretë”, transmeton Cnn, përcjell Albinfo.ch.

Autori i studimit të fundit është dr. Simon Cook, një lektor në gjeografi dhe shkencë mjedisi në Universitetin e Dundee, në Skoci.

“Ky studim është vetëm konfirmimi i fundit se ato ndryshime po ndodhin me një shpejtësi të madhe dhe do të kenë një ndikim tejet të rëndësishëm në rajone të tëra”, tha Cook.