Virusi ‘Omicron’ me përhapjen më tē shpejtë që njeh historia e viruseve

albinfo.ch

Omicron është virusi me përhapjen më të shpejtë në histori, deklaroi Roby Bhattacharyya, specialist i sëmundjeve infektive në Spitalin e Përgjithshëm në Massachusetts.

I parë vetëm pak javë më parë në Afrikën e Jugut, Omicron është tashmë varianti më i popullarizuar në pjesën më të madhe të botës.

“Kjo është një përhapje tepër e shpejtë”, komenton ai, ndersa më pas shpjegon këtë shpejtësi duke e krahasuar atë me fruthin, i cili normalisht është shumë ngjitës, transmeton Ansa, përcjell Albinfo.ch.

”Një person i prekur nga kjo sëmundje infektive, i pavaksinuar, infekton mesatarisht 15 persona të tjerë; një i prekur nga Omicron infekton 6”, sipas studimeve të fundit.

Por ndryshimi është në kohën e infektimit: fruthit i duhen mesatarisht 12 ditë, por Omicronit i nevojiten vetëm 4 ose 5.

”Një rast fruthi prodhon 15 të tjera në 12 ditë, një rast me Omicron prodhon 6 në katër ditë; në tetë ditë ai prodhoi 36, 216 në 12 ditë”, theksoi Bhattacharyya.

Edhe historiani dhe mjeku Anton Erkoreka deklarohet i habitur nga shpejtësia me të cilën përhapet Omicron.

“Është virusi më shpërthyes dhe virusi që përhapet më shpejt në histori”, thotë ai.

Erkoreka, drejtor i Muzeut Bask të Historisë së Mjekësisë, kujton se murtaja e zezë e shekullit të 14-të dhe kolera e shekullit të 19-të e shkaktuar nga bakteret u deshën vite për t’u përhapur në mbarë botën.