SHBA paralajmëron sanksione të reja ndaj disa personave në Ballkan

Pas një sërë sanksionesh të vendosura ndaj individëve e organizatave në Ballkan, duke përfshirë ish-kryemimistrin Sali Berisha dhe një grup kriminel serb të veriut të Kosovës, SHBA ka paralajmëruar se nuk do të ndalet me kaq, shkruan Albinfo.ch.

Gabriel Escobar, i cili është i dërguar i Departamentit të Shtetit për Ballkanin Perëndimor, paralajmëroi se edhe në të ardhmen pritet të ketë sanksione të reja në këtë rajon.

“E kam thënë se nuk më pëlqen të flas për sanksionet në përgjithësi, për shumë arsye, por kryesisht për faktin se nuk është kjo mënyra se si angazhohen Shtetet e Bashkuara në rajon, veçanërisht me Shqipërinë. Kemi aq shumë rrugë pozitive angazhimi dhe do të vazhdojmë t’i përdorim ato. Megjithatë, do të ketë përcaktime të tjera në rajon”, tha Escobar në një intervistë për Zërin e Amerikës.