Ilaçi i ri Pfizer me kërkesë për autorizim në Zvicër

Për trajtim të ri të virusit Covid

Ilaçi i ri oral, Paxlovid, po kalon një proces rishikimi të vazhdueshëm nga agjencia rregullatore Swissmedic, njofton albinfo.ch.

Prodhuesi, Pfizer, dorëzoi rezultate para-klinike dhe klinike, por sipas procesit të rishikimit të përhershëm, të dhëna të plota nuk kërkohen menjëherë, sipas Swissmedic.

Të dhëna të mëtejshme do të pasojnë në mënyrë të vazhdueshme sapo të bëhen të disponueshme.

“Kjo përshpejton procesin e rishikimit duke ruajtur në të njëjtën kohë të njëjtin nivel kontrolli të kujdesshëm të të gjitha kërkesave në lidhje me sigurinë, efikasitetin dhe cilësinë”, tha Swissmedic.

---