Nga 31 marsi, mjekët e pavaksinuar në këtë shtet do të pushohen nga puna

Foto ilustrim: Luis Melendez

Punonjësit shëndetësorë, të cilët janë të pavaksinuar duhet të marrin vaksinën kundër Covid-19 deri më 31 mars ose do të pushohen nga sistemi kombëtar shëndetësor i Greqisë. Këtë parlajmërim të fortë e lëshoi ministri i Shëndetësisë, Thanos Plevris.

Duke folur për Skai TV, Plevris shtoi se nisur që nga 7 shkurti, do të  duhet një vaksinë përforcuese për t’u konsideruar plotësisht i imunizuar.

Greqia lehtësoi të hënën në disa sektorë të rëndësishëm që deri më tani ishin të paralizuar, të tillë si sektorët e hoteleri-turizmit dhe argëtimit.

Siç deklaroi ai, në vend masat janë zbutur kjo sepse transmetueshmëria e variantit ‘Omicron’ është e pakontrollueshme dhe, sipas tij, edhe nëse merren masa  përhapja e tij sërish nuk do të ndalet.

Masat e reja në Greqi do të vlejnë deri më 7 shkurt në orën 6 të mëngjesit, më pas do ketë një rishikim të tyre nga autoritetet greke.