Doktori kosovar që jeton në Zvicër pritet nga ministri i Shëndetësisë, Rifat Latifi

Ministri i Shëndetësisë së Kosovës, Rifat Latifi priti sot në takim profesorin dhe gjinekologun Alban Neziri, i cili jeton dhe vepron në Zvicër.

Në këtë takim u bisedua për bashkëpunimin mes profesionistëve shëndetësorë të Kosovës brenda dhe atyre që punojnë jashtë vendit.

“Ministri Latifi u shpreh edhe një herë falënderues për ndihmën që profesionistët që punojnë jashtë Kosovës e kanë dhënë dhe vazhdojnë t’i japin shëndetësisë dhe vendit të tyre”, thuhet në njoftimin e Ministrisë së Shëndetësisë.

Po ashtu bëhet e ditur se u diskutuan edhe planet e transformimit të shëndetësisë dhe mundësitë që profesionistët me veprimtari si individuale, ashtu edhe institucionale jashtë vendit, të kenë mundësi angazhimi dhe ndihme sa më të madhe për shëndetësinë e Kosovës.

 

---