Shaqiri, me pagën më të lartë në SHBA

Xherdan Shaqiri është drejt transferimit në kampionatin amerikan

Mediat ndërkombëtare raportojnë njëzëri se Xherdan Shaqiri do të transmetohet në kampionatin amerikan të futbollit, përcjell albinfo.ch.

Chicago Fire do të paguajë shtatë milionë euro te Olympique Lyon për kartonin e mesfushorit shqiptar.

Sipas mediave të huaja, Shaqiri do të përfitojë shtatë milionë dollarë në vit, duke u bërë futbollisti me pagën më të lartë në MLS.

Më të pagurit në MLS edicionin e kaluar ishin Carlos Vela (Los Angeles FC) me 6.3 milionë dollarë, i ndjekur nga Chicharito (LA Galaxy) me 6 milionë dollarë dhe Gonzalo Higuain (Inter Miami) me 5.8 milionë dollarë.

Shaqiri mund të bëhet lojtari më i shtrenjtë në MLS deri në verë, pasi që Lorenzo Insigne, i cili kalon nga Napoli në Toronto, do të marrë 15 milionë dollarë.

Shaqiri, 30-vjeçar, do të nënshkruajë kontratë deri në vitin 2024.

---