“Shkrumb e hi”, qendra tregtare në Kosovë

Një qendër tregtare në Ferizaj të Kosovës është përfshirë nga flakët gjatë mesnatës.

“Rreth orës 00:11, Policia ka pranuar një informacion se qendra tregtare “Viva Fresh Store” afër policisë është kapluar nga një zjarr, njofton albinfo.ch.

Tani është shuar tërësisht zjarri që përfshiu Viva Fresh Store në Ferizaj të hënën pas mesnate.

Zëdhënësi i Policisë së Kosovës për rajonin e Ferizajt, Kanun Veseli, ka thënë se nuk ka të lënduar, ndërkohë që hetuesia po kryen punën e saj për të zbuluar rrethanat që çuan në zjarr.

“Po, është shuar zjarri. Nuk ka të lënduar, ndërkaq hetimet po vazhdojnë”, ka thënë Veseli.

Policia ka deklaruar në orët e para të së martës së zjarri ishte shumë i madh dhe se ka nxitur alarm në gjithë qytetin e Ferizajt, derisa janë dëgjuar shpërthime të njëpasnjëshme që dyshohet se ishin bombola të gazit.

---