Britania uron për pavarësinë e Kosovës

Mbretëria e Bashkuar është partner i dytë më i madh ekonomik dhe investitor kryesor i jashtëm i vendit

Me rastin e 14 vjetorit të Pavarësisë së Kosovës, presidentja Vjosa Osmani ka pranuar urime nga Mbretëresha e Britanisë së Madhe, Elizabeth R.

“Me rastin e festës së rëndësishme të ditës suaj të pavarësisë, dua ta përgëzoj Shkëlqesinë Tuaj dhe t’ia dërgoj urimet e mia popullit të Kosovës. Ndërsa i kapërcejmë sfidat globale shëndetësore së bashku, me vendosmëri dhe këmbëngulje, uroj që të kemi periudha më të mira në të ardhmen”, thuhet në telegramin e Mbretëreshës Elizabeth.

Osmani ka falënderuar Mbretëreshën Elizabeth dhe ka potencuar se Mbretëria e Bashkuar është aleat strategjik i Kosovës dhe e ka mbështetur vendin tonë jo vetëm në procesin e arritjes së lirisë, por edhe në procesin e shtetndërtimit.

---