Prishtina, festive në Ditën e Pavarësisë së Kosovës

Rrugët e kryeqytetit kanë marrë ngjyrat e flamurit shtetëror të Kosovës.

Bëhet e ditur se flamuj të shumtë janë vendosur në sheshin e kryeqytetit, duke i dhënë frymë festive 17 Shkurtit, Ditës së Pavarësisë.

Flamujt nuk mungojnë as në pjesë të tjera të Prishtinës, pasi janë vendosur në shtyllat përskaj rrugëve kryesore.

Ceremonitë kanë filluar me ngritjen e flamurit shtetëror nga Garda Ceremoniale e FSK-së në oborrin e Zyrës së Kryeministrisë, në të cilin ka marrë pjesë presidentja Vjosa Osmani, kryetari i Kuvendit, Glauk Konjufca si dhe kryeministri Albin Kurti.

Manifestimi qendror do të jetë parakalimi i Forcave të Sigurisë së Kosovës dhe Policisë së Kosovës në sheshin “Nënë Tereza” në Prishtinë, ndërsa edhe Kuvendi i Kosovës do të mblidhet në seancë solemne.

Në mëngjes, mbi kryeqytet janë lëshuar edhe parashutistë me flamurin e Kosovës dhe atë të Shqipërisë.

Aktivitetet për shënimin e 14-vjetorit të pavarësisë do të mbyllen në orën 20:00 me një koncert që do të mbahen të Kino Armata në Prishtinë.

---