Krerët e shtetit bënë homazhe te Kompleksi Memorial “Adem Jashari”

Osmani, Konjufca e Kurti, homazhe në Prekaz

Në nder të 14-vjetorit të Pavarësisë së Kosovës, e para e vendit, e shoqëruar nga kryeparlamentari, Glauk Konjufca, kryeministri Albin Kurti shkuan te Kompleksi Memorial “Adem Jashari” në Prekaz, përcjell albinfo.ch.

Në Prekaz shkoi edhe ministri i Mbrojtjes, Armend Mehaj.

Për nder të shtetësisë së Kosovës, mbi sheshet e Prishtinës u lëshuan edhe parashuta me flamujt shtetërorë, e krahas tyre edhe flamuri kombëtar.

Sot në orën 11:00 Kuvendi i Kosovës do të mbajë seancë solemne për nder të ditëlindjes së 140të të pavarësisë së Kosovës.

E në orën 12:00 në sheshin “Nënë Tereza” do të bëhet parakalimi i kuadrateve të FSK-së dhe të Policisë së Kosovës. Paraprakisht do të ketë fjalime nga presidentja Osmani dhe kryeministri Kurti.

Shpallja e Pavarësisë së Kosovës është bërë më 17 shkurt të vitit 2008 në orën 15:39 në Kuvendin e Republikës së Kosovës. Në një mbledhje të jashtëzakonshme ku merrnin pjesë 109 deputeë nga gjithsej 120, Kuvendi i Kosovës shpalli njëzëri Kosovën shtet të pavarur, sovran dhe demokratik.

Deklarata e pavarësisë së Kosovës dhe shpallja e pavarësisë ishte bërë nga kryeministri i atëhershëm i Kosovës, Hashim Thaçi, ndërsa president atë kohë ishte, Fatmir Sejdiu.

---