100 vjet marrëdhënie diplomatike Shqipëri – Austri

Më 18 shkurt 1922 Austria ka njohur Shqipërinë shtet sovran dhe të pavarur

Një shekull më vonë, më 18 shkurt të vitit 2022 Ambasada e Shqipërisë në Vjenë e shënon përvjetorin e 100-të të marrëdhënieve diplomatike Austri – Shqipëri, njofton albinfo.at.

Me anë të një video–mesazhi, ambasadori shqiptar në Austri, Roland Bimo, thekson se si sot, më 18 shkurt 1922, një shekull më parë, ministri i Jashtëm i Austrisë, Leopold Hennet, firmos përgjigjen e kërkesës së ministrit të Jashtëm të Shqipërisë, imzot Fan Nolit, me anë të së cilës njofton se Austria e njeh Shqipërinë si një shtet sovran dhe të pavarur. Kjo njihet si data e vendosjes së marrëdhënieve diplomatike në mes të dy vendeve në kohën moderne. Natyrisht se marrëdhëniet midis Shqipërisë dhe Austrisë shkojnë shumë me thellë në histori, përcjell albinfo.at.

‘Me rastin e këtij përvjetori Ambasada Shqiptare në Vjenë dëshiron të nderojë kujtimin e të gjithë shkencëtarëve të albanologjisë, shumica dërrmuese e të cilëve janë austriakë, për kontributin e tyre esencial në mëvetësinë e Shqipërisë si dhe figurat më të ndritura të kombit shqiptar, jeta dhe veprimtaria e të cilëve është e lidhur ngushtë me Austrinë”, shprehet në një video mesazh urimi ambasadori shqiptar në Vjenë, Roland Bimo.

Marrëdhëniet diplomatike me Republikën e Austrisë janë vendosur më 18 shkurt 1922 dhe janë rivendosur më 7 shkurt 1956.

 

---