Rusia ka tashmë sovranitet të plotë ajror mbi Ukrainën

"Ukraina tani nuk ka më aftësi të mbrojtjes ajrore", është shprehur përfaqësuesi i shërbimit sekret në Bruksel të enjten

Sipas një përfaqësuesi të një shërbimi sekret perëndimor, Rusia ka arritur “sovranitet të plotë ajror” mbi Ukrainën në sulmin e saj masiv ndaj Ukrainës, shkruan Agjencia e Lajmeve AFP.

Ukraina tani nuk ka më aftësi të mbrojtjes ajrore, është shprehur përfaqësuesi i shërbimit sekret në Bruksel të enjten, trasnmeton albinfo.ch. Tani ushtria ruse synon të mbledhë një “forcë dërrmuese” rreth kryeqytetit Kiev.

“Shumë do të varet nga rezistenca që mund të ofrojnë ukrainasit. Por unë supozoj se rusët do të përpiqen të mbledhin një forcë dërrmuese rreth kryeqytetit në orët e ardhshme”, ka thënë përfaqësuesi i shërbimit sekret perëndimor.

---