Prishtinë, vdes 14-vjeçari pas therjes me thikë

Një 14-vjeçar ka humbur jetën sot në Prishtinë, pas lëndimeve që ka marrë nga therja me thikë.

Rasti ka ndodhur në lagjen “Kodra e Trimave”, rreth orës 07:30.

Lajmin e ka konfirmuar zëdhënësja e Policisë së Kosovës, Flora Ahmeti.

“Sot rreth orës 07:30 kemi pranuar informatën për një rast vrasjeje, në rrugën ‘Fahri Fazliu’ në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore.

Bazuar në të dhënat fillestare, personi i cili dyshohet se ka marrë lëndime të rënda nga një mjet i mprehët (thikë) dhe i njëjti është dërguar në Qendrën e Mjekësisë Familjare (QMF), ku dhe është konstatuar vdekja e tij”, tha ajo.

Ahmeti theksoi se vdekjen e viktimës R.H. mashkull 14 vjeç, e ka konstatuar ekipi mjekësor në QMF, ndërsa hetuesit policorë kanë nisur një hetim për sqarimin e të gjitha rrethanave që lidhen me rastin.