Shqiptarët që kandidojnë për deputetë në Parlamentin e Kantonit të Vaudit

Zgjedhjet për Parlamentin e Kantonit të Vaudit mbahen më 20 mars 2022 dhe në to  marrin pjesë disa kandidatë shqiptarë. Po cilët janë ata dhe çfarë i bën të dallojnë nga njëri tjetri?

A mund të shkruajnë historinë edhe politikanët shqiptarë të pjesës romande-frankofone që të përfaqësojnë komunitetin tonë edhe në Kantonin Vaud, kantoni i tretë më i madh zviceran?.

Tashmë nëpër asamble komunale kanë zënë vend me dhjetëra politikanë shqiptarë, ndërsa në nivel kantonesh, dukshëm më pak.

Në platformën albinfo.ch (online&print) do të prezantojmë në një debat virtual disa nga kandidatët shqiptarë të cilët konkurrojnë për Parlamentin e Kantonit Vaud. Në këtë takim zoom, që do të transmetohet live në Facebook dhe rrjetet tjera sociale të platformës albinfo.ch (online&print)  do të keni mundësi të mësoni më shumë për programet e tyre.

Debati mbahet ditën e dielë, më 6 mars • ORA 18.00 • Zoom, Livestream në Facebook të Albinfo.ch.

Debatin e moderon drejtori i Platformës Albinfo.ch (online&print) Sevdail Tahiri dhe gazetarja Zamira Bytyqi.