Kosovë: Ministria e Jashtme dënon sulmin në Konsullatën shqiptare në Ukrainë

Ministria e Punëve të Jashtme e Kosovës ka dënuar sulmin e forcave ruse mbi Konsullatën e Nderit të Shqipërisë në qytetin Kharkov në Ukrainë, transmeton Albinfo.ch.

“MPJD i cilëson të papranueshme sulmet e vazhdueshme të Rusisë në Ukrainë, të cilat në ditët e fundit kanë cak institucionet diplomatike, pasi ditë më parë njëjtë është sulmuar edhe Konsullata e Sllovenisë. MPJD bën thirrje edhe një herë për ndërprerje të sulmeve ruse mbi territorin ukrainas. Qeveria e Kosovës i qëndron pranë institucioneve dhe popullit të Ukrainës, në këtë periudhë ku sulmi rus po egërsohet edhe mbi popullatën civile”, thuhet në reagim, përcjell Albinfo.ch.