Kosovë: Manipulime me çmimet e ushqimeve

pixabay

Ministria e Industrisë, Ndërmarrësisë dhe Tregut (MINT), përmes një njoftimi ka bërë të ditur se Inspektorati i Tregut ka hasur në parregullsi sa i përket mospërputhjes së çmimeve nëpër markete.

Inspektorët e Tregut kanë hasur edhe në disa produkte, të cilave u ka munguar deklaracioni në gjuhën shqipe. Lidhur me këto gjetje të inspektorëve, MINT ka ndërmarrë masa ndëshkuese në pajtim me ligjet në fuqi, thuhet në njoftim.

Tutje bëhet e ditur se gjatë inspektimeve, Inspektorët e Tregut kanë hasur në parregullsi sa i përket mospërputhjes së çmimeve raft –arkë, mashtrimit lidhur me zbritjet e reklamuara dhe në disa produkte ka munguar deklaracioni në gjuhën shqipe”.

“Prandaj në secilin rast janë marrë masa ndëshkuese në pajtim me ligjet në fuqi”, thuhet në njoftim.