Rriten kalimet e jashtëligjshme në zonën Schengen përmes vendeve të Ballkanit

Vetëm në dy muajt e fundit janë vërejtur 11.700 raste të kalimeve të paligjshme.

Agjencia Evropiane e cila kontrollon kufijtë vendeve të zonës Schengen, Frontex, përmes bjë rapprti të publikuar ka paralajmëruar për rritje të numrit të kalimeve të jashtëligjshme përmes Ballkanit Perëndimor, transmeton Albinfo.ch.

Sipas kësaj agjencie, vetëm në dy muajt e fundit janë vërejtur 11.700 raste të kalimeve të paligjshme.

Sipas Frontex shifrat janë dyfishuar në krahasim me të njëjtën periudhë gjatë vitit të shkuar.

Në shkurt, 5.700 emigrantë janë përpjekur të kalojnë në shtetet e Europës duke përdorur këtë rrugë, ndërsa kombësitë që mbizotërojnë janë sirianët dhe afganët.

Numri i përgjithshëm i kalimeve të jashtëligjshme në kufijtë e jashtëm të unionit gjatë dy muajve të parë të vitit është rritur me 61 për qind, raporton agjencia që kontrollon kufijtë e vendeve të zonës Schengen.

Autoritetet kanë regjistruar 11.850 kalime të jashtëligjshme në kufijtë e shteteve të Bashkimit Europian, shifër e cila shënon një rritje prej një të kartën krahasuar me të njëjtën periudhë gjatë vitit të shkuar.

Në shifrat e publikuara nga Frontex nuk janë të përfshira kalimet e refugjatëve ukrainas.

---