Kosova në zi, nderon miken e madhe të saj Madeleine Albright

Të premten, flamujt shtetërorë ulen në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Presidentja e Republikës së Kosovës, Vjosa Osmani ka shpallur të premten ditë zie si shenjë nderimi për miken së madhe të Kosovës, Madeleine Albright, ish-Sekretares Amerikane të Shtetit e cila ndërroi jetë në moshën 84 vjeçare.

“Zonja Albright e njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë. E përkrahi pareshtur Kosovën deri në frymën e fundit, prandaj populli i Kosovës do ta kujtojë përjetësisht”, është shprehur Presidentja Osmani.

Me vendim të Presidentes, flamujt shtetërorë ulen në gjysmështizë në të gjitha objektet shtetërore të Republikës së Kosovës, brenda dhe jashtë vendit.

 

---