Kosovë: Reagon Ministria e Jashtme pas arrestimit të kosovarit në Serbi

Sipas MPJ, Zyra Ndërlidhëse e Kosovës në Beograd ka vendosur kontaktin me autoritetet serbe për t’i sqaruar rrethanat

Ministria e Punëve të Jashtme e Kosovës, përmes një deklarate ka reaguar pas arrestimit të kosovarit Abaz Beqiraj në kufirin Hungari – Serbi.

Sipas MPJ, Zyra Ndërlidhëse e Kosovës në Beograd ka vendosur kontaktin me autoritetet serbe për t’i sqaruar rrethanat, përcjell Albinfo.ch.

“Ministria e Punëve të Jashtme dhe Diasporës është informuar nga mediat që sot, në kufirin Hungari-Serbi, autoritetet serbe mund të kenë ndaluar një qytetar të Republikës Kosovës. Zyra Ndërlidhëse e Republikës së Kosovës në Beograd ka vendosur tashmë kontaktin me autoritetet serbe në përpjekje për të sqaruar rrethanat. Do t’ju mbajmë të informuar rreth detajeve”, thuhet në deklaratën e MPJ-së.

---